Karya: Ferdian A Majni
Sumber: Serambi Indonesia, Minggu 13 Maret 2011
Krue seumangat Acèh lon tanôh mulia
nanggroe keuramat bak Syiah Kuala
nyoekeuh sabôh ceurita wahee teungku meutuah
bek na nyang teupeh bak sya’ee lon rawi
soe nyang na kuasa piyôh hai siat
takalôn nanggroe ka salah kiblat
lê that macam aneuk lahee di Acèh
na nyang peugah dröe geng motor
honda ayah bloe peuget keu judi
oh jula malam balap cöt ikue
na nyang peugah droe aneuk emo
beulanja ayah bri peuget keu gaya
uroe ngon malam sabee lam fesyen
na nyang peugah droe aneuk punk
leupah that ceubeuh agam ngon inong
tuböh Potallah meutindeik rata sagôe
na cit nyang dara wet-wet lam kota
aurat u lua tan diteupeu pakoe lê
pat Syariat nyang na meuhet peugah
bak ureung jamee bangga takisah
arwah nanggroe beugèt tajaga
bek pikee keudroe nanggroe ceulaka
but nyang salah peujiôh bagah
tuha ngôn muda ingat keu Tuhan
nanggroe pêut sagoe beujrôh lam syariat
Allah tapujoe saleum ateuh jeumala
0 komentar:
Posting Komentar